लेबनान र इजरायलबीचको द्वन्द्व तत्काल अन्त्य गर्न चीनको आह्वान
बिहिबार, २८ फागुन २०८२
काठमाडौं ।
संयुक्त राष्ट्र सुरक्षा परिषद्ले लेबनान र इजरायलबीचको द्वन्द्वको बारेमा आपतकालीन बैठक आयोजना गरेको छ । बैठकमा चीनले मध्यपूर्वमा लडाइँ बढ्दै र फैलिँदै गएको बताएको छ । लेबनान र इजरायलको अवस्था तनावपूर्ण बन्दै गएको छ। द्वन्द्वको निरन्तरता कुनै पनि पक्षको हितमा नभएको बताएको छ ।
अन्तर्राष्ट्रिय समुदायले शान्ति प्रवर्द्धन गर्न, सकेसम्म चाँडो तनाव कम गर्न र क्षेत्रीय शान्ति र स्थिरता पुनर्स्थापित गर्न एकताबद्धको प्रयास गर्नु पर्ने जनाएको छ ।
संयुक्त राष्ट्र संघका लागि चीनका स्थायी प्रतिनिधि फु चोङले चीनले नागरिक र कूटनीतिक कर्मचारीहरू विरुद्ध हुने कुनै पनि आक्रमणको निन्दा गर्ने बैठकमा बताए । उनले भने, सबै पक्षहरूलाई शत्रुता बन्द गर्न, तनाव कम गर्न र अन्तर्राष्ट्रिय कानून, विशेष गरी अन्तर्राष्ट्रिय मानवीय कानून अन्तर्गत आफ्नो दायित्व पूरा गर्न आह्वान गर्दछ।
उनले अगाडि गप्छन्, इजरायलले लेबनानबाट तुरुन्तै आफ्नो सेना फिर्ता गर्नुपर्छ। हामी द्वन्द्व अन्त्य गर्ने प्रतिबद्धतामा लेबनानी सरकारको सकारात्मक बयानलाई स्वागत गर्दछौं र लेबनानको सार्वभौमसत्ता, सुरक्षा र क्षेत्रीय अखण्डताको रखरखावलाई समर्थन गर्दछौं।
चीनले लेबनानी सरकारलाई घरेलु अवस्था स्थिर बनाउन र आधारभूत जीविकोपार्जन सुनिश्चित गर्न अन्तर्राष्ट्रिय समुदायले लेबनानलाई सहयोग बढाउनुपर्ने बताएको छ। एजेन्जी ।
