चिनियाँ नागरिकलाई ठगेको आरोपमा पूर्वएसएसपीसहित ३ जना पक्राउ
बुधबार, ०६ साउन २०८३
काठमाडौं ।
अध्यागमन विभागको हिरासतमा रहेका चिनियाँ नागरिकलाई छुटाइदिने आश्वासन दिएर ठगेको आरोपमा सशस्त्र प्रहरीका पूर्व एसएसपीसहित तीन जना पक्राउ परेका छन्। काठमाडौं उपत्यका अपराध अनुसन्धान कार्यालयले उनीहरूलाई पक्राउ गरेको हो ।
अध्यागमन विभागको कालिकास्थानस्थित हिरासतमा ९ जना चिनियाँ नागरिक राखिएका छन् । विभागको नियन्त्रणमा रहेका १५ वटा राहदानीसमेत झिकाइदिने भनी उनीहरूले ठगी गरेको प्रहरीले जनाएको छ । उनीहरूले ९ लाख रूपैयाँ ठगेको प्रहरीले बताएको छ ।
ललितपुर महानगरपालिका-१४ नख्खीपोट बस्ने, उदयपुर कटारी नगरपालिका-८ सिरिसे घर भएका विक्रमबहादुर थापा, नवलपरासी पश्चिम, सुनौल नगरपालिका-७, तर्गौली घर भएका गोपालकुमार गुरूङ, काठमाडौं महानगरपालिका-१० बुद्धनगर बस्ने, सर्लाही लालबन्दी नगरपालिका-५ घर भएका नारदप्रसाद खतिवडा पक्राउ परेका छन् ।
